Serada a l'entorn de Robert Lafont
Lo divendres 4 de decembre de 2009 a 6 oras de vèspre a Besièrs al CIRDÒC
Es lo jorn de la Sant Joan, lo dimècres 24 de junh, que Robèrt Lafont es partit. Una data que vei treslusir fuòcs bèls per una nuèch corteta, pròcha de la data simbolica del solstici d'estiu. Nascut a Nimes lo 16 de març de 1923, aquela cara bèla de l'istòria europenca del sègle XXen es defuntada a Florença. Ende Occità nia o Toscana, ciutadan d'Euròpa e del mond, Robèrt Lafont quitèt pas de s'adreçar al mond tot e d'obrar dins maites domenis. Es un dels mai bèls pensaires del mond occitan contemporanèu.
Es lo divendres 4 de decembre de 2009 a partir de 6 oras de vèspre (a res non còst) al CIRDÒC ou Centre Inter Régional de Desvelopament de l'Occitan a Besièrs (plan del camp de març) que se debanarà una serada a l'entorn de l'escrivan-pensaire occitan e europenc.
Aquela serada titolada Velhada al canton prepausarà intervencions e testimoniatges de pròches e d'amics que costejèron l'òme. La paraula circularà puèi liurament per daissar s'exprimir totas las personas que desiran intervenir dins un esperit de convivéncia.
Lo musicaire-cantaire Jan-Maria Carlotti interpretarà d'unes tèxtes del poèta al son de sa guitarra. Projeccions de pichons filmes e d'unas fotografias serà n difusits. Un manja-drech dinatòri acabarà aquela serada bèla dobèrta a cadun.
Entresenhas: mission@cirdoc.fr ou 04 67 11 85 17.
